Ministri i Arsimit dhe Shkencës, Jeton Shaqiri ka njoftuar se sot po vjen me një lajm të rëndësishëm për Velesin në fundjavën e punës së tij. Ai përmes rrjetit social thekson se sot ka dhënë pëlqimin për funksionimin e paraleses në gjuhën shqipe në SHMK Jovçe Tesliçkov në Veles.
Postimi i plotë i Jeton Shaqirit:
Po e përmbylli javën e punës edhe me një lajm të bukur për Velesin.
Sot dhash pëlqimin për funksionimin e paraleses në gjuhën shqipe në SHMK Jovçe Tesliçkov në Veles.
Në atë paralele mësimin do ta ndjekin nxënësit të cilët kanë zgjedhur drejtimin ekonomik në këtë shkollë. Tju rikujtojmë që kohë më parë një paralele në gjuhën shqipe u hap edhe në SHMK Koço Racin gjithashtu në Veles drejtimi gjimnaz I përgjithshëm.
Jeta multietnike, e drejta për mësim në gjuhën amtare dhe bashkëjetesa patjetër të jenë kryefjala e secilit pjesëmarës në shoqëri që do të jetë shembull për gjeneratat e ardhshme.
Ju uroj suksese nxënësve, me shpresë që do na dëshmojnë se ia vlen përpjekja për t’u siguruar mësimin në gjuhën amtare dhe se prej tyre do të presim të bëhen ekonomist profesionist.
