Minstri i drejtësisë Krenar Lloga ka shkruar se rrugëtimi ynë drejt BE-së po hedh hapat e fundit. Ndryshimet kushtetuese tanimë kanë hyrë në binarët e Kuvendit dhe të zgjedhurit janë para sfidës nëse do të vendosin për të ardhmen e qytetarëve apo për izolimin e tyre.
“Në Komisionin për çështje kushtetuese, u hap debati mbi iniciativën për miratimin e nevojës për ndryshime kushtetuese, pas çka më 19 gusht do të përcillet në seancë plenare.
Pasi të miratohet nevoja për ndryshimin e Kushtetues, në fazën e dytë do të pasojnë amendamentet kushtetuese. Në momente vendimtare, burrështetasit vendosin për të ardhmen e vendit dhe qytetarëve që i kanë zgjedhur ata, ndërsa politikanët e rëndomtë bëjnë politika ditore.” shkruan Krenar Lloga.
