Kryetari i Qeverisë Hristijan Mickoski në seancën e sotme parlamentare për pyetjet parlamentare theksoi se për BDI-në vetingu është qëndrim, por pas perdes është fletorja nga Reçica e Vogël nga vijnë vendimet, ku theksoi se reformat në gjyqësor dhe prokurori po nisin dhe të njejtat përfundimisht do të lirohen.
“Për Gjykatën Kushtetuese mendova se po bënit shaka, kur do ta sheh ndonjë person në Gjykatën Kushtetuese, mendova se ishte një shaka e 1 prillit, por ta lëmë shakanë për një herë tjetër. Në kushtet kur nuk ka njeri që beson se ne nuk kemi partizim në gjyqësor, se Gjykata Kushtetuese është shembull klasik se si dukej gjyqësori Kacarska, ju thoni se VMRO-DPMNE po bën presion. Të gjithë ata gjyqtarë janë zgjedhur nga shumica e atyre që tani janë opozitë, BDI dhe LSDM. Atëherë mund të thoni se VMRO-DPMNE ka një rol të madh në marrjen e vendimeve në Reçicë të Vogël, kështu që ju bëni pyetje të tilla që të marrim pikë politike”, tha Kryeministri duke iu përgjigjur pyetjes parlamentare të deputetit të BDI-së, Blerim Bexheti, i cili akuzoi për ndikim në gjykatë.
Kryeministri Mickoski i ka theksuar Bexhetit se BDI është ajo që nuk duhet të bëjë presion në Gjykatën Kushtetuese dhe gjykatat tjera.
“Ndikimi që ndihet ende në sistemin e gjyqësisë dhe prokurorisë në vendin tonë më në fund po departizojmë dhe ky është qëllimi ynë. Do ta bëjmë, ka qenë një periudhë që prisnim propozime, sugjerime, si Qeveri e përgjegjshme donim të dëgjonim, por fatkeqësisht nuk morëm asnjë sugjerim që vlerësojmë që të mund të zbatohej.
Javën e ardhshme do të kemi koordinim dhe do të fillojmë me reformat. Po fillojmë me reformën e Këshillit Gjyqësor, pastaj Këshillit të Prokurorëve Publikë”, tha Kryeministri Mickoski.
Mickoski theksoi se shohim se çfarë po ndodh në Akademinë për gjyqtarë dhe prokurorë publikë, vëllezër, kushërinj të ish-bashkëpunëtorëve të ngushtë të ish-ministrit të Punëve të Brendshme, motra e deputetes së LSDM-së dhe kryetares së Unionit të Grave të LSDM-së është pjesë e Bordit Drejtues.
“Situata është alarmante në gjyqësor dhe besoni se së shpejti kjo Qeveri do të bëjë një hap me të cilin të gjithë do të mburren dhe do të vërehet në raportin e ardhshëm të progresit të Komisionit Evropian”, tha Mickoski.
