Nga lidhjet e forta me SHBA-në dhe vizitat për të forcuar partneritetin strategjik me administratën e Trampit, Maqedonia mori tarifa prej 33% për produktet tona që eksportohen në SHBA, që janë ndër më të lartat në rajon. Më e larta në listën e Tramp është Serbia me tarifa prej 37%, ndërsa Shqipëria dhe Kosova kaluan më së miri – me tarifa minimale prej 10% për eksport në SHBA. BE mori një tarifë prej 20%.
Për ekspertët kjo është diçka e papritur. Thonë se kjo do të jetë një goditje të fortë ndaj ekonomisë së vendit. Goditja ndaj partnerëve tanë më të rëndësishëm tregtarë BE dhe Gjermani sidomos në industrinë e automobilizmit, do të na godasë edhe ne, thonë ata.
“E përmenda se eksporti nuk është aq i madh, rreth 110 milionë euro. Megjithatë, sigurisht që do të prekë disa kompani. Nuk pres që kjo të zvogëlojë ardhjen e investitorëve të huaj, por do të thosha se efekti indirekt është shumë më i madh, pra efekti që kanë kompanitë tona përmes eksportit të produkteve të caktuara në BE dhe më pas eksportit nga BE-ja në Amerikë. Mendoj gjithashtu se kjo do të çojë në një reduktim të investimeve të mundshme në të ardhmen nga SHBA, veçanërisht në diasporë”, tha Nikica Mojsoska Blazhevski.
Vendosja e tarifave ndaj BE-së do të ketë ndikim të madh, si dhe kundër masat ndaj tarifave që i përgatisin BE dhe thirrja për një marrëveshje të unifikuar.
Sipas Trajko Sllaveski, ish ministër i financave, në tarifat e Trampit nuk ka emocion, edhe vende më të rëndësishme për Amerikën janë më të goditura se ne.
“Qeveria, pyetje e mirë, duhet të shohë menjëherë, le të themi, të bëjë një analizë kosto-përfitim. Shtetet e Bashkuara kanë thënë se po lënë hapësirë, nëse vendet reagojnë, të mos rrisin tarifat tani, siç janë paralajmëruar nga vende si Japonia, Koreja e Jugut, BE, por t’i ulin ato. Mendoj se është më mirë për ne të shohim atë që ne e perceptojmë si një pengesë tregtare për importet tona nga SHBA dhe ta zvogëlojmë atë. Duke vepruar kështu, ne mund t’i bëjmë ata të gatshëm të reagojnë menjëherë duke ulur tarifat”, tha Trajko Sllaveski.
Sipas Tramp, tarifat janë përgjigje ndaj gjendjes së jashtëzakonshme ekonomike, i cili tha se Amerika është “përdhunuar dhe e plaçkitur nga shtetet e tjera”.
“BE, ata janë tregtarë shumë të rëndë. Do të mendonit se BE-në e kemi mik, por ajo na abuzoi, kjo është e trishtuar të shihet. Kjo është diçka patetike. 39% ne do të vendosim doganë nga 20%”, tha Donald Trump.
Vende të shumta, përfshirë BE-në, kanë paralajmëruar kundërmasa, të cilat do të intensifikojnë më tej luftën tregtare globale. Presidentja e Komisionit Europian Ursula von der Lajenn paralajmëroi se ishte një goditje e rëndë për ekonominë globale.
“Ekonomia globale do të pësojë një goditje të madhe, pasiguria do të rritet dhe masat mbrojtëse do të zgjerohen më tej. Pasojat do të jenë të tmerrshme për miliona njerëz në mbarë botën”, tha Ursula von der Lajen.
Shtëpia e Bardhë tha se tarifat e reja bazë prej 10% do të fillojnë të vendosen më 5 prill. Tarifat reciproke, megjithatë, do të hyjnë në fuqi për disa vende më 9 prill.
