Kryeministri i Maqedonisë së Veriut, Hristijan Mickoski duke folur për aksionet e fundit policore dhe për tensionet mes shqiptarëve dhe maqedonasve të cilat rezultuan me djegie të flamujve të të dy komuniteteve, tha se derisa është ai kryeministër për herë të parë ndodh që një person të dënohet për djegien e Flamurit Shqiptar, transmeton TV21.
“Për herë të paru u arrestua person për djegien e Flamurit Shqiptar. Asnjëherë më parë kjo nuk ka ndodhur. Unë nuk dërgoj porosi politike që bazohen në ndjenja, por në numra. Këto janë shembuj, shembuj komparativ që të shihni se për gjashtë muaj çfarë imazhi kam treguar unë para qytetarëve dhe çfarë imazhi duam të tregojmë. Asnjëherë në Qeveri nuk është sjell asnjë vendim me mbivotim, por me votim konsensual”, tha Mickoski në Click Plus në TV21.
