Nënkryetari dhe deputeti i BDI-së dhe njëri nga drejtuesit t grupit të të pakënaqurve në BDI, Izet Mexhiti ka hedhur një sërë akuzash ndaj Artan Grubit nga takimi me qytetarët e Hasanbegut. Mexhiti e cilëson Grubin si fajtor të humbjes së votave të BDI-së.
“Lexojmë edhe anketat serioze se BDI nuk shkëlqen si në të kaluarën. Kjo e keqe ka nisur në 2020-ën. Me Artanin e provuam në 2016-ën. 20 vite në Çair BDI është fituese. Vetëm në 2016-ën humbëm zgjedhjet e jo parti e dytë, por e tretë. Dikush thoshte se ishte kohë e vështirë, kohë krize, por kur e larguam Artanin dhe e morëm ne në duart tona në emër të BDI-së, prapë BDI-ja doli fituese në 2017-ën me Visar Ganiun dhe vazhduam me fitore tjera. Në 2020-ën duke pasur parasysh se është ekspert për të humbur vota, njeri që nuk mund të fitojë as në këshillin vendor ku jeton, ne atë e larguam nga fushata, e larguam nga kandidatura. E larguam nga opinioni, për t’i dhënë porosi qytetarit se nuk e bëjmë më këtë gabim”, tha mes tjerash Izet Mexhiti.
Nënkyetari i BDI-së dhe deputet në Kuvendin republikan Izet Mexhiti para banorëve të Hasanbegut komentoi hyrjen e Aleancës për Shqiptarët në qeveri, për ta shpëtuar karierën e dështuar të Artan Grubit. Mexhiti tha se janë në teren për tu ballafaquar me realitetin se per 6 muaj ose 1 vit do të ballafaqohen me votuesin.
Mexhiti tha se problemet në BDI filluan në vitin 2020 kur pas zgjedhjeve të suksesshme, pa legjitimitet nga votuesi dhe pa legjitimitet nga organet partiake Artan Grubi u bë zëvendës kryeministër. ‘Ali Ahmeti thotë nuk e ndroj, por Britania e Madhe i ndrroi tre kryeministra në mes të luftës në Ukrainë dhe su bë gjë e keqe, sdo të bëhet edhe nëse ndrojmë një zëvendëskryeministër ne’, tha Mexhiti.
Mexhiti komentoi edhe shkrimet rreth përdorimit të logos së BDI-së në media,me ç’ rast tha se me apo pa logo takimet, BDI i ka punët keq.
