Zëvendëskryeministri Izet Mexhiti nuk mendon se kryeministri Hristijan Mickoski po anashkalon shqiptarët në përfaqësimin ndërkombëtar të vendit. Mexhiti tha se në Samitin e NATO-s përfaqësues është kreu i Kuvendit, Afrim Gashi, ndërsa njoftoi edhe dy vizita të tjera në kryeqendrat e Europës, ku do të ketë përfaqësues nga VLEN.
“Nuk mban akuza e Frontit Europian, sa për informatë, në vizitat politike që do të pasojnë në Londër, do të jemi unë dhe z.Mickoski. Në Bruksel do të jetë z.Mickoski me z.Murtezanin, varësisht prej axhendave politike”, tha mes tjerash Mexhiti.
