Kancelarja gjermane Angela Merkel deklaroi ditën e sotme se Bllokimi i pjesshëm dhe masat kufizuese në Gjermani do të vazhdojnë për shkak të Covid-19.
”Tani për tani nuk është koha për të folur për heqjen e këtyre masave,” tha ajo.
Numri i rasteve të konfirmuara të koronavirusit në Gjermani aktualisht po dyfishohet çdo 5 ditë, tha ajo, duke shtuar se duhet të zbritet në çdo 10 ditë për një zbutje të masave që madje të bëhet një opsion, shkruan CNN.
Pasojat financiare: Pas një thirrje për video konferencë në G20 dhe një thirrje për një konferencë të krerëve të BE-së, ajo përsëriti gjithashtu qëndrimin e Gjermanisë kundër Eurobonove, duke thënë se Mekanizmi Evropian i Stabilizimit është instrumenti i duhur për t’u marrë me pasojat financiare nga kriza e koronavirusit.
“Ne e bëmë të qartë nga pala gjermane, por edhe të tjerët e bënë gjithashtu se ky nuk është mendimi i të gjitha shteteve,” tha Merkel në lidhje me dëshirën e Spanjës dhe Italisë për të provuar mënyra të reja për t’u marrë me krizën dhe duke kërkuar Eurobonde.
Distancimi social: Merkel shtoi se ndërsa është e zënë dhe po punon mirë në karantinë, ajo, si shumë qytetarë gjermanë, i mungon kontakti personal me të tjerët.
“Më mungon që nuk mund të jem në mbledhjet e kabinetit dhe nuk mund t’i shoh njerëzit atje. Dhe më mungon të kem kontakte personale”,tha ajo.
Deri më tani në Gjermani janë shënuar 267 viktima dhe 43,938 të infektuar me Covid-19.
