Një mërgimtar 67-vjeçar nga Gjermania ka raportuar në polici se është mashtruar nga një person nga Tetova, përcjell TV21. I njëjti ka raportuar se i ka dhënë para tetovarit për zgjedhjen e disa problemeve, respektivisht ritualeve fetare.
“Mbrëmë (10-korrik) rreth orës 19:20, në rrugën e “Ilindenit” në Tetovë, zyrtarët policorë të SPB-Tetovë kanë privuar nga liria 34-vjeçarin Z.D nga Tetova, i cili paraprakisht ishte denoncuar nga 67-vjeçari. E.Q. nga Gjermania. Ai dyshohet se vitin e kaluar dhe këtë vit, me paraqitje të rreme të fakteve nga E.Q. ka kërkuar dhe ka marrë një shumë të madhe parash, gjoja për zgjidhjen e disa problemeve apo rituale fetare. Z.D. është ndaluar në Stacionin Policor Tetovë për zbardhjen dhe dokumentimin e rastit”, thonë nga SPB-Tetovë.
