Luftëtarët ukrainas po qëndrojnë ende në një fabrikë çeliku në Mariupol. Por është vetëm çështje kohe para se të mposhten dhe Putini të ketë nën kontroll bregdetin. A do të mjaftojë ky sukses që ai të pushojë armët?
Nuk ka mbetur shumë dhe trupat ruse kanë pushtuar qytetin port të rëndësishëm të Ukrainës, Mariupol. Rreth 2,500 luftëtarë janë ende të izoluar në pasazhet nëntokësore të fabrikës së çelikut Azovstal. Madje edhe civilët – përfshirë familjet me fëmijë, të cilat thuhet se fshihen këtu, shkruan media zvicerane Blick, përcjellë “Bota sot”.
Rusët duan t’i dëbojnë ukrainasit nga tunelet, duke përdorur tanke dhe bomba që mund të depërtojnë në muret e trasha të bunkerit. Ukrainasit nuk iu përgjigjën një ultimatumi për të dalë nga fshehtësia. Prandaj, rusët kërcënojnë të “asgjasojnë” ushtarët ukrainas që i përkasin regjimentit Azov.
