Një valë e të nxehtit vazhdon të përfshijë Evropën, ndërsa Mbretëria e Bashkuar regjistron një maksimum prej 33.6 gradë Celsius në Kent, duke e bërë atë ditën më të nxehtë të vitit deri më tani.
Ndërsa temperaturat në juglindje të Anglisë pritet të rriten më tej, kushtet më të ftohta po ndihen në pjesë të tjera të Mbretërisë së Bashkuar, shkruan BBC.
Ekipet e shpëtimit evakuojnë 50,000 njerëz në Turqinë perëndimore, ku po shpërthejnë zjarret.
Në Francë, një alarm i kuq – paralajmërimi më i lartë për nxehtësi ekstreme – është në fuqi në 16 departamente, përfshirë Parisin, ku maja e Kullës Eiffel është e mbyllur.
Dy persona kanë vdekur në Itali, ndërsa temperaturat rriten ndjeshëm, dhe pjesë të Portugalisë dhe Spanjës regjistruan temperaturat e tyre më të larta të qershorit këtë javë, ndërsa zhiva arriti në 46 gradë Celsius.
