Mbi 9 mijë familje në rrezik social janë dëmtuar nga Ministria e Punës dhe Politikës Sociale mesatarisht mbi 120 euro në vit. Këto pohime i bëri ministri Teknik i Punës dhe Politikës Sociale Gjoko Velkovski gjatë paraqitjes së tij të ftuar në emisionin e mëngjesit të “Sloboden Peçat”.
Sipas Velkovskit, shkak për këtë është paaftësia që ka bërë një gabim për të cilin, siç thotë ai, do të kërkohet përgjegjësi para institucioneve. Sipas tij, mbi 30 mijë qytetarë që janë përfitues të mjeteve nga sistemi i mbrojtjes sociale dhe të fëmijëve nga viti 2020 e deri më sot janë dëmtuar pasi asnjë nga menaxhmentet e mëparshme të ministrisë nuk ka punuar sipas obligimeve të përcaktuara me ligj kur është fjala për harmonizimin e shumës së ndihma sociale në raport me koston e jetesës dhe inflacionin.
Bëhet fjalë për 1.7 milionë euro para të shtetit që nuk janë paguar për qytetarët – përfitues të mjeteve nga sistemi i mbrojtjes sociale dhe të fëmijëve. Sipas ligjit, këto mjete duhet t’u paguhen qytetarëve. Arsyeja është e thjeshtë dhe e lehtë për t’u parë, e ajo është se nuk janë bërë korrigjime në zgjidhjet e asistencës sociale në vitet e fundit. Ministria është përgjegjëse që çdo vit pas publikimit të kostove për standardin e jetesës, që publikohet nga Enti i Statistikave, të bëjë korrigjime të zgjidhjeve për ndihmë financiare. Megjithatë, qendrat për punë sociale nuk e kanë bërë këtë. Problemi është sepse sistemi në praktikë nuk funksionon ashtu siç duhet – pohon Velkovski dhe shton se Qeveria e re do të ndërmarrë hapa konkretë për tejkalimin e këtij problemi që në ditët e para të formimit të saj.
Në bisedë, ministri teknik Velkovski iu referua edhe premtimit për pensionistët se në vitin e parë qeveria e re do t’i rrisë pensionet për 5000 denarë në mënyrë lineare.Mbetemi në premtimin parazgjedhor dhe premtimin e konfirmuar nga lideri i VMRO-DPMNE-së, Hristijan Mickoski, se do të ketë rritje të pensioneve të qytetarëve. Të njëjtën gjë po e përsëris, nuk do ta dëmtojë fondin pensional, sepse sipas informacioneve të mia është stabil dhe në gjendje të mirë – theksoi Velkovski.
