Në seancën e Konferencës Ndëruniversitare në Ohër, ministri i linjës Jeton Shaqiri tha se mbështetja që kanë universitetet nga MASH jo vetëm që do të vazhdojë, por edhe do të përmirësohet. Arsimi i lartë dhe shkenca janë tema të shpeshta në seancat e qeverisë, pasi angazhimi i tyre për zhvillim të përshpejtuar bazohet në investimin në burimet njerëzore.
Sipas Ministrisë së Arsimit dhe Shkencës, Shaqiri po merr pjesë për herë të dytë në Konferencën Ndëruniversitare për të ruajtur komunikimin personal dhe për të gjetur zgjidhje efektive për sfidat, përmes një qasjeje gjithëpërfshirëse.
“Mbështetja në fushën e shkencës vazhdon. Kuadri financiar për mbështetjen e projekteve të institucioneve publike shkencore me interes të veçantë për shtetin si dhe për prokurimin e burimeve laboratorike është tre vjeçar. Fondet tashmë po transferohen mbi këtë bazë. Planifikimet, gati 250 milionë denarë, do të realizohen. Pres që të arsyetoni investimin e shtetit”, tha Shaqiri.
Konferenca Ndëruniversitare është një organ juridik publik i përbërë nga rektorët e universiteteve, kryetarët e parlamenteve studentore të universiteteve, punonjësit mësimorë-shkencor dhe një anëtar i zgjedhur nga radhët e drejtorëve të institucioneve të pavarura të arsimit të lartë.
