Ministria e Punëve të Brendshme njofton qytetarët se Sektori i Krimit Kibernetik po merr në mënyrë aktive masa për hetimin dhe trajtimin e sulmeve “phishing”, të cilat synojnë mashtrimin e qytetarëve dhe marrjen e të dhënave të tyre personale apo financiare.Sulmet “phishing” më së shpeshti kryhen përmes emaileve të rreme, faqeve të internetit ose mesazheve në rrjetet sociale, të cilat duket se vijnë nga burime të besueshme, si banka, institucione qeveritare ose kompani të njohura.
“Njëkohësisht, ju njoftojmë se është raportuar për dorëzim të faturave të rreme për pagesë të mjeteve në adresat elektronike të punonjësve të personave juridikë të cilët janë të autorizuar për të njëjtën gjë, në emër të menaxherëve të subjekteve juridike por nga adresa elektronike false”.
“MPB apelon qytetarët që të mos hapin linke ose bashkëngjitje nga e-mailet e dyshimta, të kontrollojnë adresën e dërguesit – institucionet dhe kompanitë zyrtare përdorin domene zyrtare, të mos vendosin të dhëna personale (emrat e përdoruesve, fjalëkalimet, numrat e kartave të pagesës) në faqet e dyshimta të internetit, të përdorin vërtetimin me dy faktorë (2FA) për mbrojtjen shtesë të llogarisë suaj dhe mesazhet e dyshimta t’i raportojnë tek institucioni kompetent ose banka”, thonë nga MPB.
