Marrëveshja për fqinjësi të mirë me Bullgarinë duhet të respektohet dhe të zbatohet. Kjo është linjë e kuqe e BDI-së, njëjtë sikur Marrëveshja e Ohrit dhe e Prespës, theksoi kreu i BDI-së Ali Ahmeti, në pyetjen e gazetarëve në lidhje me nismën e VMRO-DPMNE-së për referendum, për shfuqizim të marrëveshjes me Bullgarinë. Ahmeti pohoi se nga këto marrëveshje varet e ardhmja e vendit.
“Ne kemi vija të kuqe. Të respektohen marrëveshjet e arritura, marrëveshje të cilat i kanë siguruar vendit tonë anëtarësim në NATO, marrëveshje të cilat i kanë siguruar vendit tonë hapje të negociatave për anëtarësim në Bashkimin Evropian dhe kthim mbrapa nuk ka”, tha Ali Ahmeti, kryetar i BDI-së.
