Kryeministri, Dimitar Kovaçevski, ka takuar ministrin e Punëve të Jashtme të Republikës së Serbisë, Nikolla Selakoviq.
Në takim u konfirmuan marrëdhëniet miqësore mes dy vendeve dhe dy popujve dhe u konstatua intensifikimi i bashkëpunimit, veçanërisht në fushën ekonomike në dy vitet e fundit.
U shpreh përkushtimi i të dyja palëve për avancimin e Maqedonisë së Veriut dhe Serbisë në procesin e integrimeve evropiane.
Kryeministri Kovaçevski tha se ai dhe Qeveria janë të fokusuar në zhvillimin ekonomik të vendit, në tejkalimin me sukses të sfidave aktuale, siç është gjendja energjetike, dhe njëkohësisht të punojnë në përparimin në fushën e integrimeve evropiane.
“Ne besojmë në qëllimet dhe punën që duhet të arrihen, përmes politikave parimore dhe dinjitoze dhe punës së reformave të nevojshme në vend, siç janë reformat në gjyqësor, të cilat në masë të madhe janë në përputhje me legjislacionin evropian”, tha kryeministri Kovaçevski.
Në takim u vlerësua bashkërisht se nisma e Ballkanit të Hapur ka kontribuar në bashkëpunimin rajonal të vendeve, përmes zbatimit të vlerave evropiane në rajon, dhe kontribuon në thellimin e bashkëpunimit, duke hapur mundësi për konkurrencë më të madhe rajonale në tregun evropian dhe tregjet e tjera botërore.të tërheqjes së investitorëve të huaj.
Veçanërisht theksohet rëndësia e marrëdhënieve të mira fqinjësore dhe se sa e rëndësishme është ajo në ruajtjen e stabilitetit dhe paqes në rajon dhe në Evropë.
Në takim u diskutua edhe për situatën aktuale në Ukrainë, si dhe u transferua qëndrimi i Republikës së Maqedonisë së Veriut, si anëtare e NATO-s, për mbështetjen e integritetit territorial dhe sovranitetit të Ukrainës.
Në takim është përcjellë ftesa e presidentit të Republikës së Serbisë, Aleksandar Vuçiq, drejtuar kryeministrit Dimitar Kovaçevski për të vizituar Beogradin.
Kovaçevski falënderoi për bashkëpunimin miqësor dhe ndihmën nga Republika e Serbisë gjatë pandemisë dhe vlerësoi se përkushtimi i përbashkët për përmirësimin e marrëdhënieve ndërmjet dy vendeve është i rëndësishëm për qytetarët e dy vendeve.
