Është e trishtueshme të shohësh se si Mickoski dhe VMRO-DPMNE duan të tregojnë rezultate me çdo kusht dhe nuk zgjedhin asnjë mjet për të mashtruar qytetarët. Por është nënvlerësim i inteligjencës që vetëm për dy ditë Mickoski ftoi, tërhoqi dhe kontraktoi çdo investitor të ri. Këtë ndoshta mund ta bëjnë vetëm Mickoski dhe Chuck Norris, tha LSDM.
“Shembull i tillë i fundit është investimi i kompanisë EPSOTECH, të cilin Mickoski e shpalli si arritje të tij të madhe. Është mirë që VMRO-DPMNE do të mundësojë realizimin e investimeve të sjella nga LSDM-ja, sepse është mirë për shtetin dhe qytetarët. Por ne mendojmë se është marrëzi politike të thuhet se Qeveria e LSDM-së nuk ka bërë asgjë, e në të njëjtën kohë Mickoski nuk pranon se po mburret me projektet tona.
Publiku duhet ta dijë se aktualisht janë gjashtë investime të reja që kanë përfunduar kontratat dhe janë gati për punë. Arsyeja e vetme që LSDM nuk e shpalli ishte për të mos prishur procesin zgjedhor. Për këto investime kanë përfunduar të gjitha procedurat dhe janë në pritje të filtrit përfundimtar në Komisionin e Mbrojtjes së Konkurrencës.
Po i themi VMRO-DPMNE-së, në vend që të shesë mjegull dhe propagandë, të merret me punë dhe të realizojë të paktën diçka të vetën. Është e turpshme dhe qesharake që dy ditë pas marrjes së pushtetit i promovon investimet si të tijat, në kushtet kur nuk janë ulur as në karriget e tyre”, thuhet në njoftimin e partisë.
