Partia në pushtet LSDM, përmes një komunikate ka reaguar ndaj deklaratave të bëra në konferencën për media të zëdhënëses së VMRO-DPMNE-së, Marija Miteva.
“Kovaçevski dhe qeveria e re jo vetëm kanë legjitimitet, por kanë një shumicë të zgjeruar dhe të qëndrueshme në Kuvend.
Është e qartë se as VMRO-DPMNE e as Mickoski nuk e njohin mirë kushtetutën dhe ligjet në vend. Qeveria e re jo vetëm që ka legjitimitet, por ka edhe një shumicë të zgjeruar dhe të qëndrueshme në Kuvend”, thuhet në deklaratën e LSDM-së.
Ata shtojnë se Qeveria ka legjitimitet të plotë për të marrë të gjitha vendimet dhe për të zbatuar programin e qeverisë në interes të qytetarëve dhe shtetit.
Akuzat boshe të VMRO-DPMNE-së janë vetëm mungesë argumentesh tjera, mungesë politikash, propozimesh, idesh nga partia opozitare në të cilat asgjë nuk ka ndryshuar, thuhet në komunikatë.
