Koordinatori i grupit të këshilltarëve të Bashkimit Demokratik për Integrim, Liridon Disha përmes një postimi në profilin e tij në FB ka hedhur akuza në drejtim të kryetarit të komunës së Tetovës, Bilall Kasami se ka tentuar të kontrabandoj këshilltarë të BDI-së për të kaluar një PDU ku po planifikohet të ndërtohet një ndërtesë në hapsirë publike ndërsa këtij reagimi Disha i ka bashkangjitur edhe një video nga protestat e banorëve në këtë bllok urban.
Të nderuar bashkëqytetarë,
Ne, Këshilltarët e Bashkimit Demokratik për Integrim, edhe përkundër tentativave të shumëta për ta na e kontrabanduar votën, votuam KUNDËR ndryshimit të planit detal urbanistik për këtë parcelë sepse konsideruam se ky plan i ri shkel mbi të drejtën e qytetarëve për hapsirë të gjelbër dhe hapsirë publike. Qytetarët duhet ta dijnë se për miratimin e këtij plani detal Urbanistik që parasheh ndërtimin e blloku ndërtesash në hapsirë publike kanë votuar Këshilltarët Komunalë të Vmro-Dpmne-së dhe ata të Lëvizjes Besa dhe Alternativës.
Kush ndërton në atë parcelë, interesohuni dhe do ta kuptoni!
Ne e kemi një mesazh për kontrabanduesit e qytetit – Këshilltarët e Ali Ahmetit NUK BLIHEN E NUK SHITEN!
