Transportuesi kolumbian Avianca – linja e dytë ajrore më e vjetër në botë, ka paraqitur falimentimin për shkak të “ndikimit të paparashikueshëm të koronavirusit”.
Kjo është bërë e njohur përmes një deklarate në faqen e kompanisë, ku thuhet se vendimi është marrë për të “mbrojtur dhe ruajtur operacionet” gjatë vazhdimit të pandemisë, shkruan CNN, transmeton Klan Kosova.
Në Avianca janë të punësuar direkt 21 mijë veta nga e gjithë Amerika Latine. 90 përqind e vendeve në të cilat Avianca operon janë në kufizime totale apo të pjesme nga informacionet në faqen e saj.
“Avianca po përballet me krizën më sfiduese në historinë tonë 100-vjeçare”, është shprehur, Anko van deri Werff, Drejtor Ekzekutiv i kompanisë.
