Ministri i punëve të jaqshtme i Rusisë Sergei Lavrov ka paralajmëruar se bota po manipulohet dhe se Rusia nuk e ka pushtuar Ukrainën, por se ata kanë ndihmuar civilët. Ai theksoi se Perëndimi po bën lëvizje të rrezikshme dhe se Rusia e sheh këtë.
Lëvizjet e Perëndimit janë të rrezikshme, ne e shohim këtë. Ne nuk e kemi pushtuar Ukrainën, nuk planifikojmë të pushtojmë as vende të tjera. Siguria jonë është në rrezik. Ne donim të flisnim, por askush nuk na dëgjoi. Ne nuk do t’i justifikojmë askujt veprimet tona në Ukrainë, as para NATO-s. Nuk do të shohim se si po ndërtohet kombi nazist në Ukrainë. Ne duam që Ukraina të mbetet neutrale, ka thënë shumë herë presidenti Putin. “Sipas Zelensky, ai ka filluar të kuptojë gjithçka dhe kjo është arsyeja pse ne jemi pak optimistë”, tha Lavrov pas takimit me ministrin e Jashtëm ukrainas Kuleba.
Lavrov theksoi se po punojnë për zgjidhjen e krizës.
“Kemi biseduar për çështje humanitare. Ne shpjeguam se çfarë po bën Rusia për të ndihmuar civilët e ndaluar nga të ashtuquajturit vullnetarë. I kemi kujtuar Ukrainës se pala ruse ka bërë propozime konkrete dhe jemi të bindur se do të marrim përgjigje për kërkesat tona. “Ne duam të ruajmë paqen në Evropë”, tha Lavrov.
