Në burgun e Idrizovës ka ndodhur një përleshje masive mes të burgosurve! Disa persona kanë pësuar lëndime të rënda, ndërsa një person është rrahur për vdekje. Ky është incidenti i fundit në një seri të gjatë ngjarjesh që kanë ndodhur në burgun e Idrizovës në vitet e kaluara: nga tentativat filmike për arratisje, deri te kjo përleshje masive. Për fat të keq, duket se ky nuk do të jetë rasti i fundit i tillë.
🚨Kushtet e jetesës në burgje janë më se shqetësuese dhe çnjerëzore. Këtë e vërteton edhe Raporti Vjetor i Avokatit të Popullit, i cili përshkruan gjendjen katastrofike sa i përket higjienës, por edhe mbipopullimin e lokaleve, të cilat mbi të gjitha janë burim i përhapjes së sëmundjeve infektive. Kushtet e jetesës në institucionet penale në Maqedoni janë shumë nën çdo minimum njerëzor.
👉 Kushtet katastrofike të jetesës në KPU janë gjithashtu një nga burimet që nxisin shfaqjen e korrupsionit. Sipas asaj që kanë ndarë të burgosurit, policia e burgjeve, anëtarët e së cilës janë kapur duke tentuar të futnin sende të ndaluara në burgje, është hallka kryesore e sistemit korruptiv.
📍 Kujtojmë se në disa raste rreth burgjeve ishte shpallur një gjendje krize, e cila i mundësoi ushtrisë dhe policisë së rregullt sigurimin e burgjeve, por, padyshim, kjo pati edhe efekte afatshkurtra, pa sjellë rezultatet e duhura dhe problemet vazhdojnë të grumbullohen.
👉 Jeta nën çdo dinjitet njerëzor është e papranueshme! Gjithashtu, kushtet në KPU janë shumë nën standardet e KPD-së në vendet e BE-së, prandaj e majta kërkon një verifikim të punës së përgjithshme të burgjeve dhe policisë së burgjeve, si dhe një reformë gjithëpërfshirëse të mbështetur nga trajnime shtesë për policia e burgjeve, e cila do të ndihmojë në rritjen e nivelit të gatishmërisë dhe profesionalizmit të anëtarëve të saj.
📢 Apelon se burgjet kanë nevojë për rinovim të menjëhershëm dhe rritje të kapaciteteve, por edhe përmirësim të programeve për risocializimin e të burgosurve, ku përmes qasjes individuale, punës dhe edukimit, ata do të jenë të gatshëm për riintegrim në shoqëri!
LEVICA/ KORRUPSIONI NË BURGJE MBRETËRON- JETA NË AMBIENTET PËRMIRSUESE NËN ÇDO NIVEL NJERËZOR.
