Ministri i Punëve të Jashtme të Rusisë, Sergej Lavrov, mbërriti në Këshillin Ministror të OSBE-së, i cili zyrtarisht filloi sot në Shkup në Qendrën sportive “Boris Trajkovski”.
Në hyrje të sallës, Lavrov nuk u ndal për të dhënë deklarata për media. Ai u prit nga nikoqiri – kryetari i OSBE-së, Bujar Osmani.
Lavrov mbërriti me fluturim mbrëmë vonë përmes Greqisë pasi Bullgaria vendosi në minutën e fundit të mbyllë qiellin për fluturimin e avionit rus për shkak të zëdhënëses së MPJ-së ruse, Maria Zakharova.
Më herët sot, Zakharova e komentoi vendimin e Bullgarisë si marrëzi të rrezikshme.
Lavrov mbrëmë i ka dhënë lamtumirën Sekretarit Amerikan të Shtetit, Antony Blinken, i cili pas darkës joformale të ministrave të Jashtëm është nisur për në Izrael para se avioni i ministrit rus të ulej në Shkup.
