Kryeministri i Kosovës Albin Kurti, ka reaguar pas fitores së kombëtares së Kosovës kundër Izraelit.
Kurti u shpreh tejet i lumtur pas kësaj fitore.
Ai theksoi se emocionet e tilla duket se do të na shoqërojnë deri në fund të kampanjes kualifikuese.
“Ndeshje jo e lehtë sonte për ekipin tonë, por të cilën e kaluan me sukses. Fitorja e dytë radhazi për Kosovën, pas asaj me Andorrën. Tash drejt Zvicrës në një tjetër përballje futbollistike të veçantë, ku ndeshja e fundit në Prishtinë u karakterizua nga një barazim plot emocione. E mesa duket, emocionet do të na shoqërojnë deri në fund të këtyre kualifikueseve”, tha Kurti.
“Dardanët” fituan me rezultat 1:0 përballë izraelitëve në “Fadil Vokrri”.
Golin e vetëm e shënoi Milot Rashica, në minutin e 41-të.
