Qeveria e Kosovës ka mbajtur dje mbledhjen e rregullt, ku ka marrë disa vendime.
Në mesin e vendimeve të kësaj mbledhje, është edhe aprovimi i Raportit mbi Zbatimin e Programit të Borxhit Shtetëror.
Në njoftimin e publikuar nga Zyra e Kryeministrit thuhet se ky raport evidenton se Kosova ka një prej niveleve më të ulëta të borxhit shtetëror në kontinentin e Evropës, raporton Express.
Aty thuhet se ky borxh, më 31 dhjetor 2023, përbënte 17.52 përqind të BPV’së.
“Kemi aprovuar Raportin mbi Zbatimin e Programit të Borxhit Shtetëror. Ky raport evidenton se Kosova ka një prej niveleve më të ulëta të borxhit shtetëror në kontinentin e Evropës, që më 31 dhjetor 2023 përbënte 17.52% të Bruto Produktit Vendor”, thuhet në njoftim.
