Kryebashkiaku i Moskës Sergei Sobyanin ka thënë se 200,000 qytetarë të punësuar nga kompanitë e huaja mund të humbasin punën e tyre si rezultat i sanksioneve të vendosura ndaj Rusisë për pushtimin e saj në Ukrainë.
“Sipas vlerësimeve tona, rreth 200,000 njerëz janë në rrezik të humbasin punën e tyre,” tha Sobyanin në blogun e tij.
Ai thotë se autoritetet njoftuan një program prej 41 milionë dollarësh javën e kaluar për të mbështetur punësimin në kryeqytet.
“Programi synon kryesisht punonjësit e kompanive të huaja që kanë pezulluar përkohësisht aktivitetet e tyre të biznesit në vend ose kanë vendosur të largohen nga Rusia,” tha Sobyanin.
Qindra kompani kryesisht perëndimore kanë njoftuar mbylljen ose tërheqjen e tyre nga Rusia që nga fillimi i ndërhyrjes ushtarake të Rusisë në Ukrainën fqinje.
Sobyanin tha se programi pritet të ndihmojë më shumë se 58,000 njerëz që kanë humbur punën e tyre. Rreth 12500 prej tyre janë rikualifikuar.
Ekonomistët besojnë se ndikimi më i keq i sanksioneve rraskapitëse perëndimore nuk ka ardhur ende dhe presin që Rusia të bjerë në një recesion të thellë. ab /biznisvesti.mk
