Raporti thekson prapambetjen në fushën e demokracisë dhe të drejtave të njeriut. Liria e medias është nën presion të vazhdueshëm dhe organizatat e shoqërisë civile përballen me pengesa të shumta në punën e tyre.
Komisioni Evropian publikoi raportin e fundit për progresin e Maqedonisë në fushën e sundimit të ligjit.
Ky dokument paraqet një analizë të detajuar të gjendjes me sundimin e ligjit, luftën kundër korrupsionit, reformat ekonomike dhe demokracinë, duke theksuar në veçanti se qeveria e mëparshme e LSDM-së dhe BDI-së la kaos në sistemin e drejtësisë.
Raporti tregon për mangësi serioze në fushën e sundimit të ligjit. Pavarësisht miratimit të ligjeve të reja për reformën në drejtësi, shumë prej këtyre reformave nuk janë zbatuar ende plotësisht.
Problemet kryesore mbeten mungesa e pavarësisë në sistemin gjyqësor dhe mungesa e efikasitetit.
Ky është rezultat i drejtpërdrejtë i keqmenaxhimit dhe dështimit të qeverisë së mëparshme të LSDM-së dhe BDI-së në zbatimin e reformave reale.
Korrupsioni vazhdon të jetë një nga problemet më të mëdha në Maqedoni. Komisioni Evropian shpreh shqetësimin për mungesën e masave efektive për të luftuar korrupsionin dhe thekson se institucionet për luftimin e korrupsionit janë të dobëta dhe të papërgatitura për t’u përballur me këtë fenomen.
Qeveria e mëparshme e LSDM-së dhe BDI-së akuzohet për krijimin e një klime korruptive që cenon sundimin e ligjit dhe besimin e qytetarëve në institucionet.
Në pjesën ekonomike, Raporti vë në dukje shumë çështje të pazgjidhura që ngadalësojnë zhvillimin ekonomik të vendit. Edhe pse ka pasur disa përparime në zbatimin e reformave strukturore, ato nuk janë aspak të mjaftueshme sipas BE-së.
Financat publike menaxhohen keq dhe tregu i punës është ende i kufizuar nga një shkallë e lartë papunësie. Qeveria e mëparshme e LSDM-së dhe BDI-së nuk arritën të zbatonin politika ekonomike efektive që do të sillnin rritje të qëndrueshme ekonomike.
Raporti thekson prapambetjen në fushën e demokracisë dhe të drejtave të njeriut. Liria e medias është nën presion të vazhdueshëm dhe organizatat e shoqërisë civile përballen me pengesa të shumta në punën e tyre.
Kjo konsiderohet si pasojë e drejtpërdrejtë e politikave të qeverisë së mëparshme të LSDM-së dhe BDI-së, të cilat nuk arritën të krijojnë kushte për demokraci reale dhe mbrojtje të të drejtave të njeriut.
Komisioni Evropian në raportin e tij qartë tregon se Maqedonia përballet me sfida të mëdha që duhet të tejkalohen për të arritur integrimin e plotë në BE. Komisioni rekomandon masa urgjente për përmirësimin e shtetit të së drejtës, forcimin e luftës kundër korrupsionit, zbatimin e reformave ekonomike dhe përmirësimin e situatës së të drejtave të njeriut.
Ky raport është konfirmim se qeveria e mëparshme e LSDM-së dhe BDI-së lanë një rrëmujë që autoritetet aktuale duhet ta adresojnë urgjentisht për të siguruar të ardhmen e vendit në BE.
