Ministri i drejtësisë, Krenar Lloga sot ka pritur në takim lamtumirës ambasadorin austriak Georg Vutsas të cilin e falenderoi për angazhimin e tij të përgjithshëm në proceset reformuese në vend dhe mbështetjen e tij për integrimet euroatlantike Bashkëpunimi dypalësh me Austrinë do të vazhdojë edhe në periudhën në vazhdim.
“Gjatë mandatit të tij në Shkup është nënshkruar Memorandum për bashkëpunim ndërmjet Ministrive të Drejtësisë të RMV-së dhe Austrisë.
Ministri i Drejtësisë, Krenar Lloga dhe Ministrja e Drejtësisë së Austrisë, Alma Zadic, nënshkruan një deklaratë të përbashkët për forcimin e bashkëpunimit në fushën e reformave në drejtësi, mbrojtjen dhe zbatimin e parimeve të shtetit të së drejtës, reformat në fushën e së drejtës civile dhe penale, lufta kundër korrupsionit, dixhitalizimi i drejtësisë.
