Kryetari i PDK-së, Memli Krasniqi, në 15-vjetorin e Pavarësisë së Kosovës ka takuar Haxhi Thaçin, babanë e ish-presidentit Hashim Thaçi, i cili ndodhet në Hagë.
Në një postim në Facebook, Krasniqi ka thënë se në konakun e Thaçit në Burojë kanë rikujtuar momentin dhe emocionet e shpalljes së Pavarësisë.
“Në konakun e Haxhi Thaçit, babait të Presidentit Hashim Thaçi, rikujtuam së bashku momentin dhe emocionet e shpalljes së Pavarësisë së Kosovës.
“Shpallim Kosovën shtet të pavarur dhe demokratik” – janë fjalët më me peshë të Deklaratës së Pavarësisë së Kosovës, të cilat janë gdhendur përjetësisht në kujtesën e secilit prej nesh. Krenari!”, ka shkruar kreu i PDK-së. /Telegrafi/
