Ne kemi nevojë për një zgjidhje të bazuar në respektin reciprok dhe vlerat evropiane. Kjo zgjidhje duhet të rezultojë me heqjen e vetos së Bullgarisë dhe të shërbejë si bazë për bashkëpunim të mirë mes dy vendeve tona, tha kryeministri Dimitar Kovaçevski në një intervistë për gazetën belge La Libre.
Ai shtoi se procesi i fillimit të negociatave me BE-në në vend kërkon shumë kohë dhe për këtë arsye nuk kursehen përpjekjet për përshpejtimin e bisedimeve me Bullgarinë.
- Kemi një konsensus për integrimin euroatlantik. Ne arritëm një nga synimet tona duke u anëtarësuar në NATO. Kjo për anëtarësim në Bashkimin Evropian ende nuk është arritur. Kemi marrë vendime të vështira si vend që të bëhemi anëtar i NATO-s dhe të mund të hapim negociatat me BE-në. Bashkimi Evropian duhet t’i përmbushë premtimet për Maqedoninë, duke pasur parasysh katër raportet pozitive të Komisionit për zhvillim të vendit tonë, thotë Kovaçevski.
Ai shtoi se fillimi i bisedimeve të pranimit të Maqedonisë do të ndikonte në tërheqjen e vendeve të tjera në rajon dhe motivimin e tyre për të rritur përpjekjet e tyre për të hapur ose rifilluar bisedimet e pranimit.
Kovaçevski thekson se deri më tani debatet mes Shkupit dhe Sofjes janë udhëhequr nga propagandistët, ndërsa tani, pohon ai, po gjenerojmë energji pozitive me Bullgarinë.
- Kemi pasur shumë diskutime të frytshme dhe kemi konstatuar se është e nevojshme të rikthehet besimi mes dy qeverive, por edhe ndërmjet shoqërive dhe qytetarëve të Maqedonisë dhe Bullgarisë. Në të kaluarën, debatet janë udhëhequr kryesisht nga propagandistët, të cilët kanë ndikuar keq në media dhe në perceptimin e situatës nga qytetarët e të dyja vendeve, tha kryeministri Kovaçevski.
Ai shtoi se një javë pas vizitës së kryeministrit Petkov në Shkup, është mbajtur seanca e përbashkët e dy qeverive dhe janë formuar katër grupet punuese në Sofje.
- Ministrive të Punëve të Jashtme iu dha detyrë të punonin për mosmarrëveshjet politike mes dy vendeve. Diskutimet aktualisht janë të përqendruara në përgatitjen e dokumenteve të punës dhe sapo të arrijmë diçka të prekshme, të miratuar nga të dyja palët, ky dokument do të ndahet në të dyja vendet përmes procedurave ligjore, tha Kovaçevski.
Sipas tij, ne duhet të punojmë me përkushtim dhe se zgjidhja duhet të bazohet në respektin e ndërsjellë dhe vlerat evropiane. Në këtë kontekst, tha ai në një intervistë, negociatat me Bullgarinë janë duke u intensifikuar
- Procesi i fillimit të negociatave me BE-në zgjati shumë. Prandaj, ne nuk kursejmë asnjë përpjekje për të përshpejtuar bisedimet me Bullgarinë. “Ne kemi një konsensus për integrimin euroatlantik,” tha kryeministri Dimitar Kovaçevski në një intervistë për La Libre.
Ai shtoi se fillimi i bisedimeve të pranimit të Maqedonisë do të ndikonte në tërheqjen e vendeve të tjera në rajon dhe motivimin e tyre për të rritur përpjekjet e tyre për të hapur ose rifilluar bisedimet e pranimit.
Kryeministri Kovaçevski theksoi se në bisedimet me Bullgarinë është e përkushtuar puna dhe se zgjidhja që do të arrihet duhet të bazohet në respektin e ndërsjellë dhe vlerat evropiane.
“Kjo zgjidhje duhet të rezultojë me heqjen e vetos së Bullgarisë dhe të shërbejë si bazë për bashkëpunim të mirë midis dy vendeve tona”, tha kryeministri Dimitar Kovaçevski.
