Konvikti i Tetovës, i cili premtohet me vite të tëra, mëngjesin e sotëm i hapi dyert për të pranuar studentët që do të banojnë në të.
Me fillim në ora nëntë të mëngjesit 129 studentët e pranuar nga konkursi i Ministrisë së Arsimit erdhën te konvikti për të mbaruar procedurat për zhvendosje.
Siç shprehen studentët mezi e kanë pritur këtë ditë për tu vendosur në dhomat e tyre, pasi deri para një jave ata nuk kishin informacion të saktë nga MASh-i se kur mund të vendosen në konvikt.
Nga drejtoria e Konviktit nga njoftuan se numri studentëve të pranuar në konvikt pritet të rritet.
“Konvikti sot ka filluar me pranimin e studentëve, besoj se së shpejti do të hapet edhe një konkurs tjetër, besoj se do të arrijmë një numër më të madh dhe të kemi numër të plotë afër 300 studentë”, tha drejtori i Konviktit, Tushi Dervishi.Top24
