linku burimi i lajmit
Videoja që shpërndahet në Facebook ka përmbajtje të pavërtetë dhe është e montuar, gjegjësisht drejtori i BSP-së, Sasho Tasevski, nuk përmend askund në deklaratën e tij se “maqedonasit i kanë sulmuar shqiptarët paqedashës”.
Nga videoja origjinale e reportazhit televiziv mund të dëgjoni të gjithë deklaratën e Tasevskit, i cili në asnjë moment nuk përmend maqedonasit apo shqiptarët, e as nuk pretendon se gjatë protestave “janë sulmuar shqiptarët që qëndronin të qetë”.
Në një postim në Facebook, thuhet se Sasho Tasevski, drejtor i Byrosë për Siguri Publike, ka thënë se “maqedonasit sulmuan shqiptarët paqësorë në çarshinë e Shkupit”. Njoftimi i referohet incidenteve të ndodhura më 6 prill gjatë protestave kundër propozimit francez për nisjen e negociatave të anëtarësimit me BE, kur në sheshin Skënderbej personi E.J. (40) ka nxjerrë armën dhe ka gjuajtur disa plumba dhe ka pasur një përplasje më të madhe mes grupit të njerëzve dhe protestuesve.
Bëhet fjalë për të pavërtetë, pra për përmbajtje të manipuluar, të ndryshuar, gjegjësisht drejtori i BJB-së, Sasho Tasevski, askund në deklaratën e tij nuk përmend se “maqedonasit i sulmuan shqiptarët paqedashës”. Videoja që shpërndahet është e edituar (përmbajtje e ndryshuar) dhe kjo dallohet nga gjestet e Tasevskit, gjegjësisht shihet lehtë se ai nuk e hap gojën në përputhje me atë që kanë dashur të tregojnë personat që e kanë montuar videon.
Videoja është publikuar në faqen e Frontit Nacional Maqedonas në Facebook me titullin “Drejtori i PJB-së: Masa e popullit donte të sulmonte shqiptarët” dhe ka mbi 29 mijë shikime, më shumë se 100 komente dhe rreth 180 pëlqime.
