Në një zhvillim të papritur, rojet kufitare amerikane kanë konfiskuar më shumë vezë se fentanil gjatë muajve të fundit, për shkak të një rritjeje të shpejtë të çmimit të vezëve. Sipas gazetës britanike The Telegraph, që nga tetori i vitit të kaluar janë konfiskuar 3768 produkte të pulave, ndërsa gjatë të njëjtës periudhë janë pasur vetëm 352 raste konfiskimi të fentanilit, një opioid vdekjeprurës.
Përdorimi i vezëve për trafik ka pësuar një rritje prej 36 përqind, duke qenë se çmimi i një kutie me vezë ka arritur në 15 dollarë, një rritje e ndjeshme krahasuar me vitin e kaluar. Shumica e kontrabandës ndodh përgjatë kufirit me Meksikën, ku kutia e vezëve mund të blihet për vetëm 2 dollarë.Sasia e vezëve të konfiskuara ka pësuar një rritje prej 54 përqind në disa pjesë të Teksasit, ndërsa në San Diego është dyfishuar.
Rritja e çmimit të vezëve është shkaktuar nga gripi i shpendëve, që ka çuar në vdekjen ose detyrimin për të vrarë shumë pula. Ministria e Drejtësisë e SHBA-së ka nisur një hetim për të shqyrtuar mundësinë e manipulimit të çmimeve nga prodhuesit e mëdhenj të vezëve.
Po ashtu, një plan prej një miliardë dollarësh është hartuar për përmirësimin e sigurisë biologjike në fermat e pulave dhe stabilizimin e furnizimit me vezë në treg.
© SYRI.net
