Gjermania duhet të jetë gati për një konflikt të madh ushtarak me Rusinë në pesë vjet, tha komandanti i komandës rajonale të Bundeswehr-it në Hamburg, Michael Gies.
“Në Gjermani sot jemi me kilometra larg njohjes së një kërcënimi të jashtëm, ndërsa njerëzit në vendet baltike apo Polonia, për shembull, janë në një situatë krejtësisht tjetër”, tha Gies në një intervistë për gazetën gjermane “Welt”.
Ai shtoi se ora e brendshme që ka si ushtar i thotë se pas pesë vitesh Gjermania do të duhet të jetë elastike dhe e gatshme si shoqëri për t’i bërë ballë një kërcënimi të jashtëm ushtarak.
Në mars 2023, në përgjigje të sulmit rus ndaj Ukrainës, Berlini filloi të përpunojë “Planin Operacional të Gjermanisë”, një strategji kombëtare për gatishmërinë ushtarake në partneritet me NATO-n.
