Shkuarja te Kodra e Diellit paraqet një sfidë të madhe. Edhe pasi të arrini në majë, ju nevojiten rreth 40 minuta për të arritur te parkingu, i cili po ashtu është i papastruar. Gjatë vikendeve, kolonat e makinave janë edhe më të gjata, duke detyruar vizitorët të parkohen anash rrugës dhe të ecin në këmbë. As rruga që çon te vikend-shtëpizat nuk është e pastruar, ndërsa grumbuj mbeturinash duken se nuk janë pastruar prej muajsh. Nga Komuna e Tetovës shpjegojnë se pastrimi nuk është kryer si duhet për shkak të reshjeve, ndërsa për mbeturinat thonë se përgjegjësia bie mbi kompaninë koncesionare që menaxhon mbeturinat.Nga komuna e Tetovës bëjnë me dije se gjatë ditës së shtunë pritet të fillojë transporti publik për në Kodër të Diellit , ku i njëjti do të funksionojë gjatë vikendit.Drejtori i ski-qendrës, Gani Aliji, thotë se gjatë ditës së sotme për shkak të erës së fortë e cila është rreth 80 kilometra në orë, nuk janë lëshuar në përdorin gjashtëulësja, celipashina dhe dyulësja.
Qendra e skijimit u lëshua dje në mënyrë zyrtare për skiatorët.Mungesa e parkingjeve, mbeturinat dhe mospastrimi i rrugës së vikend-shtëpizave janë probleme që shfaqen secilin vit në Kodrën e Diellit.
