Klinika “Zhan Mitrev” pret një proces publik dhe transparent në të cilin do të dëshmojë pafajësinë e saj në lidhje me të gjitha akuzat ndaj doktor Mitrev dhe klinikës. E vërteta është në anën tonë, akuza është krejtësisht e pabazuar dhe do ta vërtetojmë institucionalisht. Presim një proces të shpejtë dhe transparent në të cilin përmes informacioneve të qarta dhe publike, dëshmive dhe materialeve dëshmuese do të konstatohet e vërteta se asnjë pacient nuk është mashtruar, tha klinika pas njoftimit të sotëm në të cilin thuhet se Gjykata Themelore Penale Shkup ka pranuar aktakuzën sipas së cilës do të gjykohet mjeku dhe klinika e tij. Gjyqtarja Lidija Petrovska do të merret me rastin.
Gjatë pandemisë Covid, klinika dhe stafi ynë luajtën një rol heroik dhe ky turp dhe sulme që po përjetojmë le t’i shërbejnë nderit të komisionerëve. Ne kemi përdorur hemofiltrimin si një metodë për të trajtuar pasojat e Covid, por jo si një kurë për Covid. Pretendimet e JO në aktakuzë janë të pakuptimta.
Edhe një herë theksojmë se edhe në periudhat më të vështira, Klinika ka punuar sipas të gjitha standardeve ndërkombëtare, në mënyrë transparente dhe në përputhje me metodat e përcaktuara dhe të lejuara të trajtimit. Të gjitha këto do ta dëshmojmë në gjykatë dhe mendojmë se opinioni na mbështet plotësisht”, thuhet në reagimin e klinikës “Zhan Mitrev”.
