Situata në kryeqytetin e Ukrainës – Kiev mbetet e vështirë dhe e tensionuar, ndërsa shtetrrethimi do të fillojë në orën 20:00. Prej sot, 1 mars, në Kiev do të hyjë në fuqi ndalimi i shitjes së pijeve alkoolike, njoftoi dje kryetari i bashkisë së Kievit Vitali Klitschko.
– Nga nesër në kryeqytet ndalohet rreptësisht shitja e pijeve alkoolike. Absolutisht. I kushtoj vëmendje të veçantë pronarëve të dyqaneve dhe zinxhirëve të farmacive. “Rritja e çmimeve të ushqimeve, produkteve bazë dhe ilaçeve gjatë një lufte nuk është asgjë më e mirë se grabitja,” tha Klitschko.
Transporti publik në Kiev do të ndalojë së punuari në orën 19:00 dhe do të rifillojë në orën 8 të mëngjesit.
Klitschko theksoi se civilët që lëvizin nëpër qytet gjatë shtetrrethimit pa leje të posaçme do të konsiderohen anëtarë të grupeve të sabotimit të armikut dhe se ata mund të largohen nga shtëpia gjatë shtetrrethimit në rast të një alarmi ajror për të shkuar në strehimoren më të afërt.
