Krerët e koalicionit opozitar Lidhja Evropiane për Ndryshim (LEN) kanë braktisur takimin e liderëve, për caktimin e datës së zgjedhjeve, mëson INA.
Siç merret vesh Afrim Gashi nga Alternativa, Bilall Kasami nga Lëvizja BESA dhe Izet Mexhiti nga Lëvizja Demokratike kanë kërkuar në takim që vendi në KSHZ ti takoj opozitës shqiptare, sepse sipas tyre, kjo si praktikë ligjore i takon opozitës shqiptare.
Por në këtë situatë ka ndërhyrë kryeparlamentari Talat Xhaferi duke kundërshtuar këtë dhe duke dhënë versionin e tij duke u thirrur në ligje. Vendi i anëtarit në KSHZ tani për tani i takon ASh-së dhe kjo parti nuk ka hequr dorë.
