Angela Merkel nuk e ka pranuar ftesën e presidentit Donald Trump, për të marrë pjesë në samitin e G7-ës që do të zhvillohet në Uashington të Shteteve të Bashkuara.
“Kancelarja federale falënderon presidentin Trump, për ftesën e tij në samitin e G7 që do të zhvillohet në fund të qershorit. Por, duke marrë parasysh situatën e përgjithshme të pandemisë, ajo nuk mund të pajtohet me pjesëmarrjen e saj personale, në një udhëtim në Uashington”, deklaroi zëdhënësi i qeverisë gjermane, Steffen Seibert, transmeton Telegrafi.
Sipas tij, kancelarja Merkel, do të vazhdojë ta monitorojë nga afër situatën me pandemi, thuhet në raportin e Reuters.
Në anën tjetër, Trump beson se nuk do të ketë “asnjë shembull më të mirë të rihapjes” sesa zhvillimi i samitit të G7-ës në Shtetet e Bashkuara në fund të qershorit, u tha në një deklaratë të Shtëpisë së Bardhë, gjatë kësaj jave.
Ky samit, ishte planifikuar të zhvillohej në fillim të qershorit, po shkaku i situatës me pandemi, është anluara dhe u vendosj të organizohej në fund të muajit.
