Secila ministri është e detyruar të shkurtojë 10% të shpenzimeve dhe paratë që kanë mbetur pa shpenzuar për tremujorin e parë do t’u merren. Qeveria planifikoi të shpenzonte 4.4 miliardë euro. Nëse të gjitha ministritë shkurtojnë me 10%, do të kursehen 443 milionë euro.
Kriza e zbrazi buxhetin. Një miliard e 100 milionë euro mungojnë për të kryer detyrimet, mëson Sitel. 100 milionë janë të siguruara nga një kredi nga BERZH, pjesa tjetër do të kërkohet nga FMN dhe Komisioni Europian.
Burime për Sitel thonë se kërkesa në Fondin Monetar Ndërkombëtar është 900 milionë euro. Por sa do të marrim do të dihet në fund të javës, pasi ekipi i tyre të skanojë situatën dhe të vlerësojë nëse i plotësojmë kushtet.
Kredia nga Komisioni Evropian është e lidhur me linjën nga FMN, ndaj pjesa tjetër e parave pritet të merret nga Brukseli. Po bëhen konturet e fundit të buxhetit suplementar. Secila ministri është e detyruar të shkurtojë 10% të shpenzimeve dhe paratë që kanë mbetur pa shpenzuar për tremujorin e parë do t’u merren. Qeveria planifikoi të shpenzonte 4.4 miliardë euro. Nëse të gjitha ministritë shkurtojnë me 10%, do të kursehen 443 milionë euro. Por, një pjesë e këtyre parave do të përdoret për të përballuar krizën energjetike, për të mbështetur qytetarët dhe ekonominë – ku do të ndihmojë qytetarët dhe industritë e targetuara, gjegjësisht më të prekurit, më të cenuarit. Paga më të larta do të ketë edhe për punonjësit e sektorit publik dhe arsimin.
Në buxhetin suplementar të propozuar zvogëlohet parashikimi për rritjen ekonomike dhe rritet deficiti buxhetor. Rritja e PBB-së prej 4.2% ka të ngjarë të rishikohet në 3.2%, por deficiti buxhetor nga 4.3% e planifikuar do të kalojë 6%. Do të rritet edhe borxhi publik. Nga 60% që është aktualisht, vlerësimet janë se do të arrijë në 63.5%. linku
