www.telegrami.mk
Sekretariati për Parandalim dhe Antikorupcion pranë degës së Bashkimi Demokratik për Integrim në Çair, pasi bëri një shëtitje të qetë në platformën shtetërore openfinance, zbuloi diçka mjaft… edukative.
Vetëm në 100 ditët e para të mandatit, kryetari i komunës Izet Mexhiti ka arritur të “stimulojë ekonominë lokale” me rreth 200 mijë euro. Fatkeqësisht, ekonomia lokale duket se përbëhet kryesisht nga miq, shokë dhe aktivistë partiakë me aftësi të jashtëzakonshme për të mos u paraqitur në punë, ndërkohë që paguhen me përpikmëri britanike.
Për një komunë që nuk noton në para, 200 mijë euro është një shumë modeste – nëse, sigurisht, je duke financuar një martesë mbretërore. Për rrugë, ndriçim dhe pastrim? Detaje teknike.
Paratë e qytetarëve, që në teori duhej të përdoreshin për gjëra të mërzitshme si infrastruktura dhe shërbimet bazë, duket se kanë gjetur një qëllim më fisnik: mirëmbajtjen e moralit partiak.
SPAK sugjeron me shumë përmbajtje që prokuroria ndoshta, kur të ketë pak kohë mes çajit të pasdites dhe detyrimeve të tjera madhore, të hedhë një sy mbi këtë rast modest transparence kreative.
Në fund të fundit, nëse kjo quhet menaxhim buxheti, atëherë ndoshta duhet ta quajmë edhe shiun “lagështi e përkohshme”…www.telegrami.mk
