Pas deklarimit të Ministrit të Drejtësisë, Krenar Lloga në emisionin Klan Debat në lidhje me ndalesën që iu bë hoxhës Ahmed Kalaja në kufirn e Maqedonisë, ka reaguar ky i fundit. Kalaja ka falënderuar ministrin Lloga, duke e mbështetur konstatimin e tij se ka të bëjë me islamofobi dhe albanofobi, përcjell KlanM.
“Krenar me Krenarin. Faleminderit shumë për reagimin e mbushur me ndjeshmëri gjaku shqiptar; gjë që na bën të ndjehemi krenar i nderuari ministër z. Krenar Lloga. Me të vërtetë konstatimi juaj është tepër korrekt: Këtu vjen era albanofobi dhe islamofobi”, ka shkruar mes tjerash Ahmed Kalaja.
Përndryshe në Klan Debat, lloga theksoi se është absurde ndalimi i hoxhës, pasi i njejti predikon dhe bën thirrje për paqe e mirësi. Sipas tij, në strukturat e institucioneve shtetërore e sidomos të atyre të sigurisë në maqedoni, ka ende segmente albanofobe dhe islamofobe. Lloga premtoi se do ta ndreqin këtë gabim dhe herën e ardhshme, hoxha Ahmed Kalaja nuk do të jetë në “stop” listën e MPB-së./KlanMacedonia
