Për herë të parë, pesë kandidatë me prejardhje nga Kosova garojnë për zgjedhjet e landit të Hamburgut.
Bëhet fjalë për Dafina Berishën, Kushtrim Lulaj, Muhamet Idrizin, Nikola Tunici dhe Sami Musën.Kështu bëri të ditur ambasadori i Kosovës në Gjermani, Faruk Ajeti, transmeton Klankosova.
Ai tha se ky është një moment historik dhe arritje e jashtëzakonshme jo vetëm për diasporën, por edhe për forcimin e zërit të saj në politikën e politikbërjen gjermane.
“Ftojmë të gjithë shqiptarët në këtë land të shfrytëzojnë të drejtën e votës dhe të marrin pjesë në zgjedhje. Pjesëmarrja juaj nuk është vetëm një votë – është një zë më i fuqishëm brenda institucioneve gjermane! Dikur, zëri i mërgatës sonë dëgjohej në rrugët e Hamburgut përmes protestave. Nesër, ai mund të dëgjohet në parlamentin e këtij landi, duke përfaqësuar interesat dhe të drejtat tuaja”, ishte thirrja e Ajetit.
“Këta pesë kandidatë vijnë nga parti të ndryshme politike, por ajo që i bashkon është më e madhe se ajo që mund t’i ndajë. Prandaj, bëhu pjesë e kësaj historie, duke qenë dëshmitar i saj”, shtoi tutje ai.
