Tetova është e qytetarëve, jo një skenë për teatrin e radhës të Bilall Kasamit.Bilall Kasami, ndalo së përdoruri qytetin për fushatën tënde personale
Tetova është e qytetarëve, jo një skenë për teatrin e radhës të Bilall Kasamit.
Festa e Verës, një ngjarje që për vite të tëra ka qenë një moment gëzimi dhe krenarie për qytetin, është kthyer në një shfaqje të shëmtuar politike nën drejtimin e këtij kryetari që kujdeset më shumë për pamjen dhe propagandën sesa për hallet e qytetarëve.
Në vend që të jetë një ditë për të festuar punën e palodhur të sportistëve, artistëve, fëmijëve dhe të rinjve të qytetit, festa është kapur peng nga një njeri që kërkon vetëm duartrokitje e vota.
Përpara kamerave – fjalime, buzëqeshje, poza false. Mbrapa skene – shpenzime të padeklaruara, manipulim i opinionit publik dhe përvetësim i një ngjarjeje që nuk i përket atij.
Ne nuk jemi budallenj. Ne e shohim lojën tënde, Bilall.
Ti e privative këtë festë si të ishte pronë personale. Ti e ktheve qytetin në një cirk elektoral. Dhe më keq – ti po i shpenzon taksat tona për t’i fryrë imazhit tënd politik.
Kërkojmë transparencë. Sa është harxhuar nga buxheti i komunës për këtë “festë”?
Sa nga ato para shkuan për skenën tënde, për banderolën me emrin tënd, për ardhjen e presidentes?
Dhe më e rëndësishmja: pse gjithë ky mobilizim ndodh vetëm kur të intereson ty, e jo kur qytetarët kanë nevojë?
Trafiku në Tetovë është një kaos çdo ditë. Por sot? Qyteti ishte bosh – sepse erdhi presidentja.
A thua vetëm kur vijnë kamera dhe vizitorë të mëdhenj, ti kujtohesh se ekziston qyteti?
Tetovarët nuk janë lodhur nga festa – janë lodhur nga hipokrizia jote.
Kjo është jo festë për qytetin, por fushatë për Bilallin.
Dhe kjo është turpëruese.
Tetova nuk ka nevojë për një aktor me kostum që i shet vetes lavdi mbi punën e të tjerëve.
Tetova ka nevojë për një shërbëtor të popullit, jo për një figurë që përdor qytetin si trampolinë për karrierën e vet.
Ndalo. Boll më. Jemi lodhur.
