I arratisuri në Hungari, Nikolla Gruevski i akuzuar në procesin “Parcela në Vodno” u dënua me 7 vjet burg dhe dënim në para prej 3200 eurove. Kushëriri i tij dhe ish drejtori i DSK-së, Sasho Mijallkov u dënua me 1 vit e tre muaj burg. Kumbari i Nikolla Gruevskit, Risto Novaçevski mori dënim me kusht që në 5 vitet e ardhshme të mos kryejë një vepër penale tjetër. Nenad Josifoviq mori dënim me kusht që në 5 vitet e ardhshme të mos kryejë një vepër penale tjetër, ndërsa biznesmeni i akuzuar Orce Kamçev u dënua me 1 vit burg. Në këtë lëndë PPS-ja pohoi se Nikolla Gruevski me para prej donacionit për VMRO-DPMNE-në ka përfituar 1,3 milionë euro ndërsa pastaj ka blerë pronë në Shkup dhe Krushevë.
“Me veprimet e të akuzuarve është konsoliduar fuqia ekonomike të të akuzuarit Nikolla Gruevski i cili përmes veprës penale “fshehje” i ka abuzuar donacionet e partisë politike VMRO-DPMNE duke i lëshuar në qarkullim për qëllime dhe interesa personale për ta realizuar qëllimin e tij për përfitim të pronës në mënyrë ilegale. Në këtë mënyrë është lidhur bota kriminele dhe shoqëria ilegale. Përkatësisht, në rastin konkret bëhet fjalë për vepra ndëshkuese që janë kryer nga ana e të akuzuarve me statut të lartë në profesionin e tyre, me paramendim që t’i realizojnë qëllimet perfide të Nikolla Gruevskit për posedimin e pronës së patundshme“, tha Ilija Tërpkov, gjykatës.
