Zv.kryeministri i parë, Artan Grubi, nga një takim me anëtarësin e Degës së BDI-së në Kumanovë, ka lëshuar akuza të rënda në adresë të partive opozitare shqiptare në Maqedoninë e Veriut, shkruan gazeta LAJM. Sipas Grubit, të njejtat janë në shërbim të opozitës maqedonase e cila po mundohet të bllokojë rrugën evropiane të vendit.
“I shikoni qëndrimet e opozitës shqiptare. Nuk e them për propagandë, sepse më njihni shumë mirë të gjithë ju, sepse e dini që e di, nëse ka ndër njerëzit më të informuar në shtet, jam. Janë tërësisht jo vetëm në shërbim, por edhe në zbatim të VMRO-DPMNE-së me agjendë. Komunikatat i shkruan qendra për komunikim e VMRO-DPMNE-së dhe këta dalin i lexojnë. Temat ua jep VMRO-DPMNE-ja dhe kta dalin i lexojnë, sepse VMRO-ja nuk guxon të dalë dhe të flasë. Ishte shkurtimisht themi, tema e Nikolla Gruevskit, i ka shqiptarët e vet pse të dal VMRO-ja, e nxjerr përpara dhe i thotë dil fol ti”, tha Grubi./Gazeta LAJM
