Gjykata Supreme ka shfuqizuar aktgjykimet e Gjykatës Themelore në Veles dhe Gjykatës së Apelit në Shkup, me të cilat ish-kryetari i Gjykatës Penale Vladimir Pancevski është dënuar me burg për keqpërdorim të sistemit të shpërndarjes së lëndëve gjyqësore AKMIS.
Drejtori i burgut në Shkup, Filip Andov, ka konfirmuar se me vendim të Gjykatës Supreme, lënda është kthyer në rigjykim dhe Pançevskit i është revokuar dënimi me burg. Ai nesër do të lirohet nga burgu i Shkupit.
Pançevski, i cili e filloi vuajtjen e dënimit me burg më 3 shkurt të këtij viti, gjykata në Veles e dënoi me tre vjet e gjashtë muaj burg dhe më pas Apeli i Shkupit e uli në dy vjet e gjysmë.
Vladimir Pancevski u dënua sepse në periudhën nga viti 2013 deri në vitin 2016, si kryetar i Gjykatës Penale, pretendohet se lëndët ua caktonte me dorë gjyqtarëve të kualifikuar, e jo përmes sistemit AKMIS. Ai dyshohet se ka shpërndarë rreth 40 lëndë, duke përfshirë dy në Prokurorinë Speciale Publike.
