Deputeti gjerman i CDU/CSU dhe Raportuesi për Shqipërinë në Këshillin e Evropës, Peter Beyer, ka reaguar pas pas miratimit të ndryshimeve ditën e sotme.
Në një postim në Twitter ai shkruan se mirëpret këto ndryshimet dhe se duhet të imprementohen plotësisht.
Ai madje i kërkon dhe opozitës, si asaj parlamentare por edhe asaj të bashkuar që të kontribuojnë në Këshillin politik.
“Unë mirëpres ndryshimet e ligjit zgjedhor në Shqipëri. Duhet të implementohen plotësisht. Të gjitha fuqitë politike brenda dhe jashtë parlamentit duhet të kontribuojnë tani në mënyrë konstruktive dhe me përgjegjësi me argumente në Këshillin Politik. Nuk ka kohë për të humbur deri në 30 korrik. Bëhet fjalë për shqiptarët drejt Europës,” shkruan ai.
Marrëveshja është miratuar me voton pro të 100 deputetëve. Ndërkohë kanë qenë 6 deputetë që kanë votuar kundër kësaj marrëveshje të arritur më 5 qershor, ndërsa 3 deputetë të tjerë kanë qenë abstenim.
Marrëveshja mund të kalonte edhe me 84 vota, por PS-ja firmosi marrëveshjen me opozitën parlamentare pak ditë më parë.
