Më thirri presidentja e Kosovës, Vjosa Osmani, i dridhej zëri, kërkonte ndihmë. Ajo më tha se kishte probleme në aeroportin e Shkupit dhe se ishte ndarë nga fëmijët që ishin gjithashtu në aeroport. Më tha se fëmijët ishin shumë të frikësuar dhe po qanin. Më duhej të ndihmoja. Nuk e di se cili person nuk do të ndihmonte nëse dikush lutet për ndihmë.
Kështu tha kryetari i Kuvendit, Afrim Gashi, në brifingun e sotëm për media, duke shpjeguar edhe një herë se si ndodhi incidenti në aeroportin e Shkupit.
– Kryetari i Kuvendit nuk ka sigurinë e tij, por sigurohet nga Ministria e Brendshme. Ata njerëz janë policië dhe duhet të dinë ligjet dhe kompetencat e tyre. Pra, tani e tutje, kërkoni përgjigje nga Ministria e Brendshme, jo nga Parlamenti. Më thirri në telefon presidentja e Kosovës, i dridhej zëri, më tha se fëmijët po qanin. Kam reaguar menjëherë sepse kam dashur të ndihmoj dhe jam i lumtur sepse kam arritur të parandaloj një incident më të madh – tha Gashi.
Pyetjes së një gazetari nëse kryetari i Kuvendit ka kompetencë të dërgojë sigurinë për zgjidhjen e incidenteve në aeroport, ai është përgjigjur se në përshkrimin e detyrës së Kryetarit të Kuvendit nuk përfshihet mbajtja e brifingjeve me gazetarët, por ai po i mban.
– Të gjithë duhet të respektojmë ligjet. Më kërkohet me ligj kur duhet të shkoj diku për të njoftuar personelin tim të sigurisë. Doja të shkoja personalisht në aeroport dhe të zbardhja incidentin, por më pas u caktua një seancë në Parlament dhe më thirrën në atë takim. Për këtë arsye sigurimi im është dërguar atje, sepse plani ka qenë që unë ta zbardh incidentin personalisht – tha Gashi.
