SDS nuk zgjedh mjete për të mbledhur pikë politike, duke përfituar nga ngjarjet fatkeqe që çojnë në humbjen e jetëve të më të rinjve, akuzoi VMRO-DPMNE.
“Nëse në vend ka dikush që është simbol i vdekjes në shëndetësi, është pikërisht lideri i SDS-së, Venko Filipçe. SDS nuk duhet të harrojë se lideri i tyre ka qenë ministër i Shëndetësisë për shumë vite dhe nëse dikush e ka fajin për gjendjen në shëndetësi, atëherë është vetë Venko Filipçe.Në vend të rregullimit të gjendjes dhe përmirësimit të kushteve në shëndetësi, Filipçes si ministër i interesonin vetëm komisionet nga manipulimi i tenderëve, nga barnat onkologjike që shiteshin në tregun e zi dhe pacientëve u jepej solucion fiziologjik, nga vaksinat kundër koronavirusit etj. “, njoftoi partia.
Në kohën e ministrisë së Shëndetësisë së Filipçes, siç thonë ata, Maqedonia ishte në krye të listave evropiane dhe botërore të vdekshmërisë.
“Të dhënat zyrtare tregojnë se gati 10 mijë qytetarë të Maqedonisë kanë vdekur nga koronavirusi në vend. Filipçe është një ministër që i dogjën të gjallë 14 persona në një spital shtetëror nën juridiksionin e tij në Tetovë dhe nuk mbante asnjë përgjegjësi për këtë, si dhe për të gjitha ngjarjet e tjera tragjike.
Në vend që të mbajë përgjegjësi për të gjitha rastet e lartpërmendura, Filipçe tani është vetëvendosur si kryetar i SDS-së dhe po shet përralla për moralin, duke luajtur në kartën e kujtesës afatshkurtër. Qytetarët e mbajnë mend dhe e dinë shumë mirë se kush është më përgjegjës për gjendjen në shëndetësi”, tha VMRO-DPMNE.
